هـــــــــــه‌ڵـــــــــــــــه‌بجه‌
هـــــــــــه‌ڵه‌بجه‌تاجی ســـــــــــه‌ری كـــــــــــــوردســـــــــــــــــتانه‌ 
قالب وبلاگ
له‌و یاده‌دا سه‌ری ڕێزو نه‌واوزش بۆ هه‌موو شه‌هیدانی ئه‌ورۆژه‌ داده‌نه‌وینین

 

[ 2010/4/25 ] [ 11:28 بعد از ظهر ] [ سۆران ]

ئةم ثةيمانطاية لة سالَى (2000) برِيارى كردنةوةى دراو، بةلآم لة سالَى 2001 دةست بة خويَندكرا تيايدا وة ئيَستا لةم بةشانةى لاى خوارةوة ثيَكهاتووة.

مةلَبةنديَكى زانستى رؤشنبيريية سةر بة سةرؤكايةتى دةستةى خويَندنى تةكنيكى كوردستانة، بةفةرمانى سةرؤكايةتى ئةنجومةنى وةزيران سالَى 1997 سةرةتا بةناوى ثةيمانطاى تةكنيكى كشتوكالَى سيروانةوة كراوةتةوة بةهؤى نا ئارامى نةتوانراوة دريَذة بة ثرؤسةى خويَندن بدريَت ثاش ئازادكردنى ناوضةكةو لة دةستى تيرؤريستان و طةرِانةوةى دةسةلآتى ياسا بؤ ناوضةكةو سةقامطيربوونى ئارامى و ئاسايش لة سالَى 2003 دا لة ثةيمانطاى كشتوكالَى سيروانةوة طؤرِا بؤ ثةيمانطاى تةكنيكى هةلَةبجة لة سالَى 2003 – 2004 ثرؤسةى خويَندن دةستى ثيَكرد سةرةتا بة هةردوو بةشى زانستى ثزيشكى (ثةرستارى) وة كشتوكالَى (بةرهةمى رووةك) كة (72) خويَندكارى لة خؤطرتبوو، شايانى باسة بةشى (شيكارى نةخؤشيةكان) يش لة سالَى 2006-2007 كراوةتةوةو خويَندن تيايدا بةردةوامة،


ادامه مطلب
[ 2010/4/24 ] [ 9:40 قبل از ظهر ] [ سۆران ]
تاقه‌ رزگاربوویه‌كی خێزانێكی 10 كه‌سیی تراژیدیای ئه‌نفالكردنیان ده‌گێڕێته‌وه‌
ئیسماعیل چۆمانی
PUKmedia
حه‌سه‌ن عه‌لی فه‌ره‌ج پاشماوه‌ی خێزانێكی ئه‌نفالكراوی سنوری قه‌زای كفرییه‌و خێزانه‌كه‌ی كه‌ له‌ 10 كه‌س پێكهاتبوو له‌ گوندی ئۆمه‌ربلی سه‌ر به‌ كفری ژیانیان ده‌برده‌ سه‌ر به‌بێ ئه‌وه‌ی رۆژێك بیر له‌وه‌ بكه‌نه‌وه‌ كه‌ خۆشیان نه‌زانن به‌ره‌و كوێیان ببه‌ن له‌لایه‌ن دڕٍنده‌كانی به‌عسه‌وه‌.
هه‌زار مه‌خابن 9 ئه‌ندامی ئه‌و خێزانه‌ به‌ دایك و باوك و خوشك و براوه‌ به‌ر شاڵاوه‌ به‌دناوه‌كه‌ی ئه‌نفال كه‌وتن و ته‌نها خۆی ده‌ربازی بوو.
حه‌سه‌ن عه‌لی فه‌ره‌ج به‌هه‌ناسه‌یه‌كی قوڵه‌وه‌و به‌چاوێكی پڕگریانه‌وه‌ چیرۆكی ئه‌نفالكراوی دایك و باوك و براو خوشكو براكانیمان بۆ ده‌گێڕیته‌وه‌و ده‌ڵێت: له‌ 9/4/1988 سه‌عات 4:30 ده‌قیقه‌ی سه‌رله‌ئێواره‌، له‌شارۆچكه‌ی سه‌رقه‌ڵاوه‌ گوندی ئۆمه‌ربلی سه‌ربه‌ قه‌زای كفری كه‌وته‌به‌ر تۆپبارانكردنی جه‌لاده‌كانی به‌عس، بۆ ئه‌وه‌ی ببێته‌هۆی دابه‌زینی مه‌عنه‌ویاتی خه‌ڵك له‌گونده‌كه‌و خه‌ڵكی ده‌ربه‌ده‌ر بكه‌ن چونكه‌ رژێم ئه‌وه‌ی له‌ بیر نه‌چووبوو كه‌ له‌ 18/5/1987 و 18/6/1987 له‌ گوندی ئۆمه‌ربل چی به‌سه‌رهات، كه‌ له‌و دوو په‌لاماره‌دا به‌عسییه‌كان كشانه‌وه‌و نه‌یان توانی بێنه‌ ناو گونده‌كه‌ بۆیه‌ به‌عس زۆر رقیان له‌ ناوچه‌ی گه‌رمیان و گوندی ئۆمه‌ربل بوو به‌تایبه‌تی.
حه‌سه‌ن عه‌لی به‌رده‌وامبوو له‌قسه‌كانی و وتی: له‌به‌ره‌به‌یانی 10/4/1988 په‌لامارێكی زۆر بێڕه‌حمانه‌و دوور له‌ ویژدانی مرۆڤایه‌تی كرایه‌سه‌ر گوندی ئۆمه‌ربل، له‌م په‌لاماره‌دا رۆژ هێشتا هه‌ڵنه‌هاتبوو، دنیا تاریك بوو، له‌كاتی روبه‌ڕوبوونه‌وه‌ی خه‌ڵكی گونده‌كه‌، دڕٍٍنده‌كانی سه‌دام به‌پاڵپشتی هه‌موو ته‌كنۆلۆژیایه‌كی سه‌ربازیی ده‌یان هه‌زار سه‌ربازو قوات خاسه‌و 14 سه‌رۆك جاشی خۆفرۆش هێرشیان هێنایه‌ سه‌ر گونده‌كه‌و خه‌ڵكی ده‌ربه‌ده‌ر بوون.
له‌درێژه‌ی قسه‌كانیدا وتی: من لێره‌وه‌ به‌سه‌رهاتی ئه‌نفالكراوی خێزانه‌كه‌ی خۆمتان بۆ ده‌گێڕمه‌وه‌ له‌گه‌ڵ ئه‌و خه‌ڵكه‌ی كه‌ ئه‌نفالكران، له‌كاتی شاڵاوه‌ به‌دناوه‌كه‌ی ئه‌نفالدا ئێمه‌ ئه‌ندامانی خێزانمان له‌ 10 كه‌س پێكهاتبوو به‌ر ئه‌و شاڵاوه‌ كه‌وتن ته‌نها خۆم نه‌بێت، ئه‌مه‌ی من بۆتانی ده‌گێڕمه‌وه‌ حیكایه‌ته‌كانی دۆزه‌خه‌، له‌دوای 31 سه‌عات به‌رگری هێزی پێشمه‌رگه‌و خه‌ڵكی گوندی ئۆمه‌ربل، رژێمی به‌عس ئه‌م گوندی ئۆمه‌ربله‌ی خاپوور كرد، بۆیه‌ خه‌ڵكی ناوچه‌كه‌ روویانكرده‌ (مله‌سوور) كه‌ له‌وێ له‌لایه‌ن چه‌ند سه‌رۆك جاشێكه‌وه‌ به‌ڵێندرابوو ئه‌وه‌ی بچێت بۆ لای ئه‌وان گیانی پارێزراوه‌، به‌ڵام له‌كاتێكدا خه‌ڵك كه‌ روویانكرده‌ سه‌ر رێگای رزگاری له‌ رۆژی 14/4/1988 له‌و كاته‌دا دوو فڕۆكه‌ دابه‌زینه‌ خواره‌وه‌، فڕۆكه‌وانه‌كه‌ی ناوی عه‌مید روكن هیلال موسڵاوی بوو، فه‌رمانی به‌سه‌رۆك جاشه‌كان ده‌دا، سه‌رۆك جاشه‌كانیش فه‌رمانی ناوبراویان جێبه‌جێ ده‌كردو خه‌ڵكه‌كه‌یان رٍاپێچی (قووره‌توو) كرد، ئه‌و جاشانه‌ خاوه‌نی ئه‌و به‌ڵێنانه‌یان نه‌بوون كه‌ به‌خه‌ڵكه‌كه‌یان دابوو، له‌و كاته‌دا له‌سه‌ر رێگای رزگاری دایكمم له‌گه‌ڵدابوو و له‌گه‌ڵ ئاژه‌ڵه‌كانمادابووین، یه‌كێك له‌خوشكه‌كانیشم به‌ناوی (وه‌رده‌ عه‌لی فه‌ره‌ج) لێمان ونبوو، گه‌له‌جاشێك هاتن دایكمیشیان په‌لكێش كردو رایانپێچایه‌ ناو خه‌ڵكه‌كه‌، له‌دوای 48 سه‌عات توانیم من له‌ سه‌رێگای رزگاری هه‌ڵبێم له‌گه‌ڵ چوار هاوڕێی ترمدا به‌ره‌و گوندی عه‌لی خه‌ڵف، له‌م په‌لاماره‌دا نۆ كه‌سی خێزانه‌كه‌مان تیاچوون، به‌س من هه‌ڵهاتم به‌ره‌و گوندی عه‌لی خه‌ڵف، له‌و شاڵاوه‌دا به‌شێكی زۆر له‌ ئاژه‌ڵه‌كانمان به‌ر تاڵانكردن كه‌وتن، ته‌نها به‌شێكی كه‌میان نه‌بێت له‌ گوندی ناوبراو فرۆشت، دواتر هاتمه‌ قه‌زای كفری خۆم حه‌شاردا، من له‌دایكبووی 1971 بووم و ته‌مه‌نم گونجاو بوو، هاربیش نه‌بووم بۆیه‌ تاماوه‌یه‌كی زۆر خۆمم حه‌شاردا له‌كفری.
ئه‌و هاووڵاتیه‌ به‌ هه‌ناسه‌یه‌كی قوڵه‌وه‌ باسی له‌وه‌ش كرد كه‌: دوای ئه‌نفالكردنی خێزانه‌كه‌مان ژیانێكی زۆر تاڵم له‌ مێژووی خۆمدا بینی چونكه‌ رۆژانه‌ نه‌مده‌زانی روبكه‌مه‌ كوێ له‌به‌ر ئه‌وه‌ی هه‌موو خێزانه‌كه‌مان به‌ر شاڵاوه‌ به‌دناوه‌كه‌ كه‌وتبوون، چه‌ند شایه‌تحاڵێكی ئه‌و كاره‌ساته‌ ده‌گێڕنه‌وه‌ كه‌ دایكم به‌ڕۆژوو بووه‌ له‌ناو به‌ندیخانه‌، فه‌رده‌یه‌ك شه‌كر ئه‌و كاته‌ به‌ 10 دینار بوو، ئه‌و یه‌ك گڵاس شه‌كری به‌ 10 دینار كڕٍیوه‌، له‌به‌ر ئه‌وه‌ی به‌ڕۆژوو بووه‌، به‌داخه‌وه‌ تاوه‌كو پرۆسه‌ی ئازادی عیراق، ئومێدم مابوو دایكم و باوكم و براكانم و خوشكه‌كانم بگه‌ڕێنه‌وه‌ وڵات به‌ڵام به‌داخه‌وه‌ له‌دوای پرۆسه‌ی ئازادی عیراقه‌وه‌ ئه‌و ئومێده‌شم نه‌ما، ئێستا به‌هیوای ئه‌وه‌م سه‌رۆكایه‌تی هه‌رێم و حكومه‌ت و په‌رله‌مان به‌دواداچوون بكه‌ن بۆ هێنانه‌وه‌ی روفاته‌كان، منیش حه‌ز ده‌كه‌م وه‌كو خه‌ڵكی ئه‌م شاره‌ بچمه‌ سه‌ر گۆڕی ئه‌نفالكراوه‌كانی خۆم و زۆر حه‌زده‌كه‌م پێش مردنم ئه‌مه‌ ببینم
[ 2010/4/14 ] [ 9:34 بعد از ظهر ] [ سۆران ]

کاریگه‌ریی ئه‌و چه‌کانه‌ی که‌ تائێستاش به‌سه‌ر خه‌ڵکی هه‌ڵه‌بجه‌وه‌ ماوه‌

کۆیار ره‌وف

له‌ڕۆژی (16/3/1988) رژێمی سه‌دام حوسه‌ین به‌چه‌کی کیمیایی هێرشی کرده‌ سه‌ر خه‌ڵکی هه‌ڵه‌بجه‌ له‌و هێرشه‌دا چه‌ندین چه‌کی کۆکوژی به‌کارهێنا، وه‌کو (خه‌رده‌ل که‌ چه‌کێکی سوتێنه‌ره‌و پێستی گۆشتی مرۆڤ ده‌سوتێنێت)، هه‌روه‌ها چه‌کی خنکێنه‌رو چه‌کی ئه‌عسابیشی به‌کارهێنا، هه‌ندێک له‌و چه‌کانه‌ بونه‌ هۆی ئه‌وه‌ی که‌ راسته‌وخۆ خه‌ڵک ژیان له‌ده‌ست بدات‌و به‌ بێئه‌وه‌ی که‌ هیچ پاشماوه‌یه‌کی برینداربوون به‌سه‌ر جه‌سته‌یانه‌وه‌ دیار بێت، ته‌نها که‌فێکی سپی له‌ده‌م‌و لوتیانه‌وه‌ ده‌هات‌و پاش چه‌ند چرکه‌یه‌ک ژیانیان له‌ده‌ست ده‌دا، هه‌ندێکی دیکه‌ له‌و چه‌کانه‌ که ‌به‌کارهاتبوو، کاری کردبویه‌ سه‌ر جیناتی خه‌ڵکی ئه‌و شاره‌


ادامه مطلب
[ 2010/3/26 ] [ 8:6 بعد از ظهر ] [ سۆران ]
 
Thursday, March 18, 2010
هه‌ر چوار حیزبه‌ پێكهێنه‌ره‌كه‌ په‌سه‌ندیان كرد
پەرلەمانی کەنەدا کارەساتی هەڵەبجەی بە تاوان دژی مرۆڤایەتی ناساند

(سبه‌ی‌):
پەرلەمانی کەنەدا، لە دانیشتنی خۆیدا رۆژی 16ی ئازاری 2010، پرۆژەی بریاری ژمارە (M 505)ی‌ خوێندەوە کە لەلایەن (جیم کەراجیانی) پەرلەمانتاری حیزبی لیبراڵ ئامادە کرابو سەبارەت بە کیمیابارانکردنی شاری هەڵەبجە و ئەو تاوانانەی کە بەرامبەر بە خەڵکی کوردستان کراوە، دوای خوێندنەوەی پرۆژەکە سەرجەم هەر 4 حیزبە  پێکهێنەرەکەی پەرلەمانی کەنەدا (پارتی لیبراڵ، پارتی پارێزگاران، پارتی دیموکراتی نوێ، پارتی بلۆک کیوبکوا) پرۆژەکەیان په‌سه‌ند کردو کرا بە بڕیار.
بریارەکە دەڵێت: ( پەرلەمانی کەنەدا ئەو كرده‌وانه‌ی‌ کە لەلایەن سەدام حسێن لەبەرامبەر کورددا کراوە لە بەکارهێنانی گازی کیمیایی لە 16ی ئازاری 1988 و وێرانکردنی گوندەکانی کوردستانی عێراق و هەروەها سەرکوتكردنی سیستیماتیکانەی سەر خەڵکی کوردستان لە عێراق  وەک تاوان دژی مرۆڤایەتی دەناسێنێت).
شایانی باسە  جیم کەراجیانی خۆی دۆستی کوردە و ساڵی رابردو سەردانی کوردستان و هەڵەبجەی کردوە و هەروەها ئەو هەوڵی‌ دەدا کە  ئەم کەیسە لە پەرلەمانی کەنەدا بە جینۆساید بناسێنرێت، بەڵام بەهۆی ئەوەی کە مەسەلەی جینۆساید کۆمەلێک خواست و ئیلتزاماتی تری بەشوێن خویدا دەهێنا  کە مەرج نەبو ئەگەر بەو جۆرەبوایە سەرجەم حیزبەکانی پێکهێنەری پەرلەمان دەنگیان لەسەر بدایە،  بۆیە لە جیاتی جینۆساید بە ( تاوان دژی مرۆڤایەتی ) دیاری کرا، ئەمەش بۆخۆی هەنگاوێکی زۆر گەورەیە لە ئێستادا.
جیم کەراجیانی بڕیاری داوە لەسەر هەوڵەکانی بەردەوام بێت و کاری جدی بکات بۆ ئەوەی ئەم کەیسە بە جینۆساید بناسرێت.
شایەنی باسە لە کاتی رێوڕەسمی  خوێندنەوەی بڕیارەکە ئەندامان و هەڵسوڕاوانی رێکخراوەکانی ( پەیوەندی کوردی دژی جینۆساید، ماڵی کورد لە تۆرۆنتۆ، کوردش کۆمینیتی سەنتەر، کوردستان فیدرەیشن، کوردیش کەنەیدیەن بزنس کۆنسڵ) و ژمارەیەکی زۆر لە کوردانی کەنەدا ئامادە بون. دواتریش  جیم کەراجیانی و نوێنەرانی ئەو رێکخراوانە  پرێس کۆنفرانسێکیان بەست.




ادامه مطلب
[ 2010/3/21 ] [ 9:41 بعد از ظهر ] [ سۆران ]
به‌كر حه‌مه‌ صدیق: مزگێنى ده‌ده‌م به‌دانیشتوانى هه‌ڵه‌بجه‌ى شه‌هیدكه‌مه‌سه‌له‌ى قه‌ره‌بووكردنه‌وه‌ به‌رِێوه‌یه‌ به ‌پشتیوانى خواى گه‌وره‌ بناغه‌مان بۆداناوه‌
به‌كر حه‌مه‌ صدیق: مزگێنى ده‌ده‌م به‌دانیشتوانى هه‌ڵه‌بجه‌ى شه‌هیدكه‌مه‌سه‌له‌ى قه‌ره‌بووكردنه‌وه‌ به‌رِێوه‌یه‌ به ‌پشتیوانى خواى گه‌وره‌ بناغه‌مان بۆداناوه‌

 

ئیبراهیم موراد --- سایتى یه‌كگرتوو

پارێزه‌ر به‌كر حه‌مه سدیق ئه‌ندامى ده‌سته‌ى داكۆكیكار له ‌دۆسیه‌ى هه‌ڵه‌بجه‌ى شه‌هید سه‌باره‌ت به‌جینۆساید ناساندنى كێشه‌ى هه‌ڵه‌بجه ‌و سوده‌كانى له ‌لێدولنێكيدا بۆ سایتى یه‌كگرتوو رایكه‌یاند: كێشه‌ى هه‌ڵه‌بجه‌ له‌رِوى ماناوه‌ بۆ ئێمه زۆر زۆر گرنگ بوو، هه‌ر له ‌سه‌ره‌تاى برِیارى دادگاى تاوانه‌كانه‌وه ‌ئێمه‌ له %80 كێشه‌كه‌مان برده‌وه، ‌به‌ڵام دواى ئه‌وه‌ى برِیاره‌كه به ‌كێشه‌ى جینۆساید ناسێنرا ئه‌وه‌100% كێشه‌كه مان برده‌وه.‌‌

له‌درێژه‌ی وته‌كانیدا و سه‌باره‌ت به‌ قه‌ره‌بوكردنه‌وه‌ی دانشتوانی هه‌ڵه‌بجه‌ (به‌كر حه‌مه‌ سدیق) رِایگه‌یاند: مه‌سه‌له‌ى قه‌ره‌بوو كردنه‌وه‌ش به‌پشتیوانى خواى گه‌وره‌ به‌رِێوه‌یه‌و ‌ئه‌گه‌ر بومه‌ په‌رله‌مانتاریش ئه‌وا وه‌ك په‌رله‌مانتار به ‌دواداچوونى بۆ ده‌كه‌م وه‌ئه‌گه‌ر وه‌ك پارێزه‌ى كهیسه‌‌كه‌ش مامه‌وه‌ ئه‌وه ‌به‌ ته‌ئكید به‌دوادا چوونى گرنگ بۆ مه‌سه‌لى قه‌ره‌بووكردنه‌وه‌ى هاوولاَتیانى هه‌ڵه‌بجه‌ به‌هاوكارى وه‌زاره‌تى شه‌هیدانى حكومه‌تى هه‌رێمى كوردستان ده‌كه‌ین.

له‌ به‌شێكی دیكه‌ی وته‌كانیدا ناوبراو رِایگه‌یاند: كه‌ ‌مژده ده‌ده‌م به ‌دانیشتوانى هه‌ڵه‌بجه‌ به ‌پشتیوانى خواى گه‌وره ‌‌مه‌سه‌له‌ى قه‌ره‌بووكردنه‌وه ‌به‌رِێوه‌یه‌ و ‌بناغه‌مان بۆدا ناوه‌.

[ 2010/3/21 ] [ 9:38 بعد از ظهر ] [ سۆران ]
17-03-2010
ئه‌مساڵ هه‌ڵه‌بجه‌ ناڕه‌زایی ده‌رنه‌بڕی

كاوه‌ شێخ عه‌بدوڵڵا
هه‌ڵه‌بجه‌ى شه‌هید
16ی ئاداری ئه‌مساڵ، هه‌ڵه‌بجه‌ییه‌كان جیاواز له‌چوار ساڵ له‌مه‌وبه‌ر بۆ ساڵیادى كیمیابارانكردنى شاره‌كه‌یان، زیاتر روویان له‌مه‌زارى شه‌هیدان كرد. چوار ساڵ له‌مه‌وبه‌ر له‌برى پیرۆزكردنى ئه‌و یاده‌ ئاگریان له‌مه‌زارى شه‌هیدان به‌ردا كه‌ ده‌كه‌وێته‌ دامێنى شاره‌كه‌یانه‌وه‌ و زیانیان به‌كه‌لوپه‌له‌كانى گه‌یاند


ادامه مطلب
[ 2010/3/21 ] [ 9:32 بعد از ظهر ] [ سۆران ]
17-03-2010
"رقم له‌یادكردنه‌وه‌ى هه‌ڵه‌بجه‌یه‌"

كاوه‌ شێخ عه‌بدوڵڵا
رووداونێت-هه‌ڵه‌بجه‌
ئه‌و رۆژه‌ى هه‌ڵه‌بجه‌ كه‌وته‌ به‌ر شاڵاوى كیمیاباران (16ى ئادارى 1988) كاوه‌ ته‌مه‌نى تازه‌ پێى نابووه‌ حه‌فت ساڵى. خێزانه‌كه‌یان وه‌ك ئه‌و هه‌زاران خێزانه‌ى شاره‌كه‌، كه‌وتنه‌ به‌ر گازه‌كه‌ و به‌و شێوه‌یه‌ له‌كاره‌ساته‌كه‌ ده‌رچوون كه‌ دایك و باوكی ژیان له‌ده‌ست بده‌ن و خۆی و حه‌فت خوشكوبراكه‌ی به‌شه‌پڕێوى بكه‌ونه‌ ده‌ست تیمه‌ فریاگوزارییه‌كانى سوپاى پاسدارانى ئێران.


ادامه مطلب
[ 2010/3/21 ] [ 9:25 بعد از ظهر ] [ سۆران ]
پاریزه‌ر به‌كر حمه‌ سدیق : فرۆكه‌وانێكى ترمان په‌یداكردوه‌ كه ‌له‌ هه‌ریم بووه‌ و ئاماده‌ى نیشاندا وه‌كو شاهدێكى شاراوه‌
ڕێپۆرتاژ
ئیبراهیم موراد:

 
پاش 22 له‌كیمیا بارانكردنى شارى هه‌ڵه‌بجه‌ له‌لایه‌ن رِژێمى به‌عسه‌وه‌وخۆگێل كردن له‌وه‌ى كه‌نازانن كێ بووه‌ كیمیابارانى شارى هه‌ڵه‌بجه‌ى كردوه‌، تاله‌ئه‌نجامدا به‌هه‌وڵى تیمى پارێزه‌رانى داكۆكى كارى دۆسیه‌ى هه‌ڵه‌بجه‌ له‌دادگاى باڵاى تاوانه‌كان یه‌كلاى كرایه‌وه‌به‌هه‌وڵ وماندوبونێكى زۆرى ئه‌وده‌سته‌یه‌ودۆزینه‌وه‌ى چه‌ندشایه‌ت حاڵێكى حاشاهه‌ڵنه‌گرله‌وباره‌یه‌وه‌ یه‌كێك له‌وپارێزه‌رانه‌ كه‌ ئه‌ندامى ده‌سته‌ى داكۆكى كاربووه‌ له‌دۆسیه‌ى هه‌ڵه‌بجه‌ئه‌ویش پارێزه‌ر به‌كر حه‌مه‌ سدیق و كانديدى زماره‌ يه‌ك له‌ ليستى يه‌ككرتوى ئيسلامى له‌ پاريزكاى سليمانى له‌م دیمانه‌ تایبه‌ته‌دا به‌م شێوه‌یه‌ دوا .


ادامه مطلب
[ 2010/3/21 ] [ 9:14 بعد از ظهر ] [ سۆران ]
پەرلەمانی‮ ‬كەنەدا كیمیابارانی‮ ‬هەڵەبجەی‮ ‬بە جینۆساید ناساند
[19:59 , 17 Mar 2010]
ئۆتاوا ــ جەبار چاوشین‮:‬‮ ‬رۆژی‮ ‬16ی‮ ‬ئادار كاتژمێر‮ ‬9‮ ‬بە بۆنەی‮ ‬یادی‮ ‬هەڵەبجەو بە ئامادەبوونی‮ ‬نزیكەی‮ ‬50‮ ‬كوردی‮ ‬هەموو بەشەكانی‮ ‬كوردستان،‮ ‬پەرلەمانی‮ ‬كەنەدا لە ئۆتاوای‮ ‬پایتەخت بەشێوەیەكی‮ ‬فەرمی‮ ‬تاوانی‮ ‬بۆردوومانی‮ ‬هەڵەبجەی‮ ‬بە تاوانی‮ ‬دژی‮ ‬بە مرۆڤایەتی‮ (‬جینۆساید‮) ‬لەقەڵەم داو بەتێكڕای‮ ‬دەنگ و بە چەپڵە لێدان لەلایەن گشت ئەندامانی‮ ‬پەرلەمان خرایە ناو دۆكۆمێنتەكانی‮ ‬پەرلەمانەوە،‮ ‬ئەوەی‮ ‬شایانی‮ ‬باسە كوردستانیانی‮ ‬دانیشتووی‮ ‬كەنەدا زیاتر لەساڵێكە لەهەوڵی‮ ‬سەقامگیركردنی‮ ‬ئەم بڕیارەدان و لەئاكامدا گەیشتە ئەنجام‮. ‬لێرەدا بەناوی‮ ‬هەموو كوردستانیانی‮ ‬كەنەداوە دڵئارامی‮ ‬بۆ كەسوكاری‮ ‬شەهیدان دەخوازین و پەیمانیان پێ دەدەین كە داكۆكی‮ ‬لەهەموو مافەكانی‮ ‬كورد بكەین و لەهەمانكاتدا دەمانەوێت بە خەڵكی‮ ‬قەڵادزێیش بڵێین كە بۆردومانی‮ ‬1974یشمان خستۆتە ئەجەندەمانەوە بۆ وروژاندنی‮ ‬ڕای‮ ‬گشتی‮ ‬كەنەداو دوایش جیهان بەگشتی‮.‬
[ 2010/3/21 ] [ 9:10 بعد از ظهر ] [ سۆران ]
گروپی 88 دیوی‌ ناوه‌وه‌ی‌ كاره‌ساتی‌ هه‌ڵه‌بجه‌ هه‌ڵده‌داته‌وه‌


رۆشنبیرانی‌ هه‌ڵه‌بجه‌ ده‌ڵێن: هێشتا زۆر تاوانباری‌ دیكه‌ی‌ كاره‌ساتی‌ هه‌ڵه‌بجه‌ هه‌ن كه‌ ده‌بێت دادگایی بكرێن
یادگار ره‌ئوف

گر‌ووپێكی‌ گه‌نج‌و رۆشنبیری‌ هه‌ڵه‌بجه‌ به‌یاننامه‌یه‌كی‌ توند ده‌رده‌كه‌ن‌و كۆمه‌ڵێك داوای‌ قورس ده‌خه‌نه‌به‌رده‌م به‌رپرسان، هاوكات دانیشتوانی‌ شاره‌كه‌ش داوای‌ قه‌ره‌بووكردنه‌وه‌ ده‌كه‌ن.
پاش به‌ جینوساید ناساندنی‌ كیمیابارانكردنی‌ هه‌ڵه‌بجه‌ له‌لایه‌ن دادگای‌ پێده‌چوونه‌وه‌ی‌ باڵای‌ تاوانه‌كانی‌ عێراقه‌وه‌، به‌ڵام بڕیاری‌ قه‌ره‌بووكردنه‌وه‌ی‌ دانیشتوانه‌كه‌ی‌ نه‌دراوه‌و هاوڵاتیانیش له‌مباره‌یه‌وه‌ نیگه‌رانی‌ ده‌رده‌بڕن‌و داواده‌كه‌ن قه‌ره‌بوو بكرێنه‌وه‌.
له‌ به‌یاننامه‌یه‌كدا، گروپی 88، كه‌ پێكدێن له‌ ژماره‌یه‌ك گه‌نج به‌ ناوی نوسه‌ران‌و رۆژنامه‌نووسان‌و رۆشنبیران‌و گه‌نجان‌و فێرخواز‌و گر‌ووپی‌ 88‌و خه‌ڵكی هه‌ڵه‌بجه‌رایده‌گه‌یه‌نن كه‌به‌رامبه‌ر به‌و ناحه‌قیانه‌ی به‌ هه‌ڵه‌بجه‌ كراوه‌ بێده‌نگ نابن.


ادامه مطلب
[ 2010/3/21 ] [ 8:52 بعد از ظهر ] [ سۆران ]
گروپی 88 دیوی‌ ناوه‌وه‌ی‌ كاره‌ساتی‌ هه‌ڵه‌بجه‌ هه‌ڵده‌داته‌وه‌


رۆشنبیرانی‌ هه‌ڵه‌بجه‌ ده‌ڵێن: هێشتا زۆر تاوانباری‌ دیكه‌ی‌ كاره‌ساتی‌ هه‌ڵه‌بجه‌ هه‌ن كه‌ ده‌بێت دادگایی بكرێن
یادگار ره‌ئوف

گر‌ووپێكی‌ گه‌نج‌و رۆشنبیری‌ هه‌ڵه‌بجه‌ به‌یاننامه‌یه‌كی‌ توند ده‌رده‌كه‌ن‌و كۆمه‌ڵێك داوای‌ قورس ده‌خه‌نه‌به‌رده‌م به‌رپرسان، هاوكات دانیشتوانی‌ شاره‌كه‌ش داوای‌ قه‌ره‌بووكردنه‌وه‌ ده‌كه‌ن.
پاش به‌ جینوساید ناساندنی‌ كیمیابارانكردنی‌ هه‌ڵه‌بجه‌ له‌لایه‌ن دادگای‌ پێده‌چوونه‌وه‌ی‌ باڵای‌ تاوانه‌كانی‌ عێراقه‌وه‌، به‌ڵام بڕیاری‌ قه‌ره‌بووكردنه‌وه‌ی‌ دانیشتوانه‌كه‌ی‌ نه‌دراوه‌و هاوڵاتیانیش له‌مباره‌یه‌وه‌ نیگه‌رانی‌ ده‌رده‌بڕن‌و داواده‌كه‌ن قه‌ره‌بوو بكرێنه‌وه‌.
له‌ به‌یاننامه‌یه‌كدا، گروپی 88، كه‌ پێكدێن له‌ ژماره‌یه‌ك گه‌نج به‌ ناوی نوسه‌ران‌و رۆژنامه‌نووسان‌و رۆشنبیران‌و گه‌نجان‌و فێرخواز‌و گر‌ووپی‌ 88‌و خه‌ڵكی هه‌ڵه‌بجه‌رایده‌گه‌یه‌نن كه‌به‌رامبه‌ر به‌و ناحه‌قیانه‌ی به‌ هه‌ڵه‌بجه‌ كراوه‌ بێده‌نگ نابن.


ادامه مطلب
[ 2010/3/21 ] [ 8:51 بعد از ظهر ] [ سۆران ]
تایبه‌تبووه‌ به‌كاره‌ساتی‌ هه‌ڵه‌بجه‌
فشار خراوه‌ته‌ سه‌ر ستافی ده‌رهێنانی‌ فیلیمی‌ ئه‌و ڕۆژه‌ی‌ بابانوئێل گریا


جیهاد جه‌لال
به‌پێی ئه‌و زانیاریانه‌ی‌ ده‌ست هاوڵاتی‌ كه‌وتووه‌، فشارێكی‌ زۆر خراوه‌ته‌ سه‌ر ستافی ده‌رهێنانی‌ فیلیمی‌ ئه‌و ڕۆژه‌ی‌ بابانوئێل گریا، كه‌ فیلمێكه‌ تایبه‌ته‌ به‌ كاره‌ساتی‌ هه‌ڵه‌بجه‌.
له‌ دیمه‌نێكی‌ ئه‌و فیلمه‌دا ڕۆژنامه‌ی‌ هاولاَتی‌ به‌ده‌ست یه‌كێك له‌ ئه‌كته‌ره‌كانه‌وه‌ ده‌بینرێت، كه‌ باس له‌ هه‌ڵهاتنی‌ ئه‌و فرۆكه‌وانه‌ ده‌كات كه‌ بۆردومانی‌ شاری‌ هه‌ڵه‌بجه‌ی‌ كردوو له‌لایه‌ن ده‌سه‌لاَتدارانی‌ كوردییه‌وه‌ ئازاد كرا.
به‌پێی زانیارییه‌كانی‌ هاولاَتی‌ فشار خراوه‌ته‌ سه‌ر ستافی به‌رهه‌مهێنانی‌ ئه‌و فیلمه‌ بۆئه‌وه‌ی‌ ئه‌و دیمه‌نه‌ له‌ فیلمه‌كه‌یاندا لابه‌رن كه‌ ڕۆژنامه‌ی‌ هاولاَتی‌ نیشان ده‌دات، به‌لاَم ستافی فیلمه‌كه‌ ڕازی‌ نه‌بوون‌و دیمه‌نه‌كه‌یان لانه‌بردووه‌.
سه‌رچاوه‌یه‌ك كه‌ نه‌یویست ناوی‌ ئاشكرا بكرێ به‌هاولاَتی‌ وت" له‌به‌ر ئه‌وه‌ی‌ هاولاَتی‌ یه‌كه‌م ڕۆژنامه‌ بووه‌ كه‌ هه‌واڵ‌ی‌ ئازاد كدرنی‌ فڕۆكه‌وانه‌كه‌ی‌ بلاَو كردۆته‌وه‌ بۆیه‌ به‌پێویستیان زانیووه‌ له‌ فیلمه‌گكه‌دا به‌كاری بهێنن.
فیلمی‌ ئه‌و ڕۆژه‌ی‌ بابانوئێل گریا له‌ ده‌رهێنانی‌ "ڕه‌حیمی‌ زه‌بیحی"یه‌و تایبه‌ته‌ به‌كاره‌ساتی‌ هه‌ڵه‌بجه‌و له‌ ڕۆژانی‌ 17_18_3له‌ شاری‌ هه‌ڵه‌بجه‌ نمایش ده‌كرێت‌و بریاریشه‌ له‌ داهاتوودا له‌ ڤیستیڤاڵه‌كانی‌ ولاَتانی‌ ده‌ره‌وه‌ش نمایش بكرێت.

[ 2010/3/21 ] [ 8:47 بعد از ظهر ] [ سۆران ]
به‌شداری‌ یادكردنه‌وه‌ی‌ كاره‌ساتی‌ هه‌ڵه‌بجه‌ ده‌كه‌ن
نه‌ته‌وه‌یه‌كگرتووكان: پشتیوانی‌ گه‌لی‌ كورد ده‌كه‌ین

ئارا ئیبراهیم
به‌بۆنه‌ی‌ تێپه‌ڕبوونی‌ 22 ساڵ به‌سه‌ر كیمیابارانی‌ هه‌ڵه‌بجه‌ی‌ شه‌هید، سه‌رله‌به‌یانی‌ ئه‌مڕۆ سێ‌ شه‌ممه‌، نوێنه‌ری‌ نه‌ته‌وه‌یه‌كگرتووه‌كان له‌عێراق، له‌مۆزه‌خانه‌ی‌ نیشتمانی‌ (ئه‌منه‌سووره‌كه‌) له‌سلێمانی‌ به‌شداری‌ ئه‌و یاده‌كه‌ی‌ كرد‌و خۆشحاڵی‌ خۆی‌ ده‌ربڕی‌ بۆ به‌جینۆساید ناساندنی‌ ئه‌و تاوانه‌.

دوای‌ خوله‌كێك وه‌ستان له‌ئه‌منه‌ سووره‌كه‌، ئاد میڕكڵ نوێنه‌ری‌ نه‌ته‌وه‌یه‌كگرتووه‌كان له‌عێراق، له‌كۆنگره‌یه‌كی‌ رۆژنامه‌وانیدا، رایگه‌یاند"ئه‌مڕۆ رۆژێكی‌ زۆر گرنگه‌ بۆ جیهان‌و گه‌لی‌ كوردیش، جیهان ئه‌مڕۆ یادی‌ هه‌ڵه‌بجه‌ ده‌كاته‌وه‌ كه‌ 22ساڵ له‌مه‌وپێش ئه‌و كاره‌ساته‌ رووی‌ داوه‌، ده‌بێت ئه‌مه‌ له‌بیر نه‌كرێت".

وتیشی‌"خۆشحاڵبووین به‌وه‌ی‌ دادگای‌ باڵای‌ تاوانه‌كان له‌عێراق، ئه‌م تاوانه‌ی‌ به‌جینۆساید ناساندووه‌، ئه‌مه‌ش قۆناغی‌ چاكبونه‌وه‌‌و چاره‌سه‌ربوونه‌ بۆ هه‌ڵه‌بجه‌".

له‌وه‌ڵامی‌ پرسیارێكی‌ هاوڵاتی‌ ده‌رباره‌ی‌ تاوانی‌ ئه‌نفال، ئاد مێركڵ، وتی‌"ئێمه‌ ده‌زانین دوای‌ كاره‌ساتی‌ هه‌ڵه‌بجه‌، زنجیره‌یه‌ك نه‌هامه‌تی‌ تر به‌دوایدا هات، چونكه‌ هه‌ڵه‌بجه‌ به‌شێك بوو له‌هه‌ڵمه‌تێكی‌ فراوانتر، وه‌ك نه‌ته‌وه‌یه‌كگرتووه‌كان پشتیوانی‌ له‌گه‌لی‌ كورد ده‌كه‌ین‌و ئیدانه‌ی‌ ئه‌و تاوانانه‌ ده‌كه‌ین كه‌به‌رانبه‌ری‌ كراوه‌".

هه‌روه‌ها دااوشی‌ كرد ئه‌منه‌سوره‌كه‌ وه‌ك مۆمۆمێنتێك بمێنێته‌وه‌ بۆ ئه‌وه‌ی‌ بزانرێت چ تاوانێك به‌رانبه‌ر كورد كراوه‌.

نوێنه‌ری‌ نه‌ته‌وه‌یه‌كگرتووكان، ئه‌وه‌شی‌ خسته‌ڕوو كه‌ كۆمه‌ڵگای‌ نێوده‌وڵه‌تی‌ ئێستا زۆر به‌خاوی‌ له‌وه‌ تێده‌گات كه‌ له‌هه‌ڵه‌بجه‌‌و شوێنی‌ تری‌ هه‌رێمی‌ كوردستان چ نه‌هامه‌تییه‌ك روویداوه‌.

Tuesday, March 16, 2010
[ 2010/3/21 ] [ 8:45 بعد از ظهر ] [ سۆران ]

هه‌ڵه‌بجه‌، زه‌مه‌نێكی‌ نوێ

  خه‌بات نه‌وزاد

ساڵی‌ رابردوو، ساڵێكی‌ پڕ له‌ روداو بوو بۆ هه‌ڵه‌بجه‌، كه‌ ده‌هێنێت هه‌موومان له‌به‌رامبه‌ری‌ بوه‌ستین‌و ئێستێكیان له‌سه‌ر بكه‌ین، "21ی‌ كانونی‌ یه‌كه‌می‌ 2008 دادگای‌ باڵای‌ تاوانه‌كانی‌ عێراق یه‌كه‌مین دانیشتنی‌ بۆ كه‌یسی‌ هه‌ڵه‌بجه‌ ده‌ستپێكردو دوای‌ (37) دانیشتن، بڕیاری‌ كۆتایی‌ خۆی‌ بۆ ئه‌و كه‌یسه‌ له‌ (17/1)دا ده‌ركرد، گه‌وره‌ تاوانباری‌ كه‌یسه‌كه‌ عه‌لی‌ حه‌سه‌ن مه‌جید له‌ دار درا‌و دواتر له‌ (1/3) له‌لایه‌ن دادگای‌ ته‌میزه‌وه‌ هه‌ڵه‌بجه‌ به‌جینۆساید ناسێنران، یه‌كێك له‌تۆمه‌تباره‌ سه‌ره‌كییه‌كانی‌ كه‌یسه‌كه‌ش له‌سیناریۆیه‌كی‌ نادیاردا له‌ گرتوخانه‌یه‌كی‌ كورد له‌لایه‌ن كورده‌كانه‌وه‌ ئازاد كرا


ادامه مطلب
[ 2010/3/21 ] [ 8:41 بعد از ظهر ] [ سۆران ]

خه‌ڵكی هه‌ڵه‌بجه‌ به‌رامبه‌ر به‌ سازدانی رێوه‌ڕسمی یادی كیمیاباران ناڕازین

پاش بڵاوبوونه‌وه‌ی هه‌واڵی سازدانی رێوه‌ڕٍه‌سمی یادی 22 ساڵه‌ی كیمیابارانی هه‌ڵه‌بجه‌ له‌لایه‌ن حكومه‌ت، ژماره‌یه‌ك له‌ خه‌ڵك‌و هونه‌رمه‌ندانی شاری هه‌ڵه‌بجه‌ ناڕه‌زایی ده‌رده‌بڕن به‌وه‌ی هێشتا حكومه‌ت له‌ رێوه‌ڕه‌سمی ساڵانی رابردوو قه‌رزای خه‌ڵكه‌.

سامان حه‌مه‌ كه‌ریم، هه‌ڵه‌بجه‌: چه‌ندین هونه‌رمه‌ند‌و خه‌ڵكی هه‌ڵه‌بجه‌ پێیان وایه‌ حكومه‌ت له‌ رێوه‌ره‌سمه‌ پێشووه‌كانی یادی هه‌ڵه‌بجه‌ قه‌رزاریانه‌‌و ئه‌مساڵیش ده‌یه‌ وێت به‌ هه‌مان شێوه‌ ئه‌ركه‌كانی به‌ خه‌ڵك تێپه‌ڕێنت.
مامۆستا حه‌سه‌ن موراد،شێوه‌كار‌و ده‌رچووی په‌یمانگای


ادامه مطلب
[ 2010/3/21 ] [ 8:33 بعد از ظهر ] [ سۆران ]
هه‌ڵه‌بجه‌ له‌ بێده‌نگی‌دا
ڕه‌خنه‌
جه‌لال چوارتایی:

 
22 ساڵ ده‌رباز ده‌بێت به‌سه‌ر ئه‌و مه‌رگه‌ساته‌ی که‌ به‌سه‌ر شاری هه‌ڵه‌بجه‌دا هات ، پاش 22 ساڵ هێشتا زامداره‌کانی چه‌کی کیمیاوی به‌ ئازار و بێچاره‌سه‌رییه‌وه‌ سه‌ر ده‌نێنه‌وه‌ ، پاش 22 ساڵ هێشتا به‌سه‌ر که‌لاوه‌ی خانووه‌ ڕووخاوه‌کانی شاری هه‌ڵه‌بجه‌دا هه‌نگاو ده‌نێین ، پاش 22 ساڵ ته‌نها گوێبیستی گوته‌ سواوه‌کانی سه‌رانی هه‌ردوو بنه‌ماڵه‌ ده‌بین که‌ بۆ مه‌به‌سته‌ تایبه‌تیه‌کانی خۆیان هه‌ڵه‌بجه‌ی پێ ده‌لاوێننه‌وه‌ .

ئه‌وه‌ی کیمیابارانی شاری هه‌ڵه‌بجه‌ی کرد بریتیبوو له‌ عێراقی داگیرکه‌ری دڕنده‌ به‌ فه‌رمانڕه‌وایی به‌عسیه‌ گۆڕکراوه‌کان .

ئه‌وه‌ی شاره‌که‌شی داگیرکرد له‌و کاته‌دا بریتیبوو له‌ کۆماری ئیسلامی داگیرکه‌ر و فتواده‌ری جیهاد له‌سه‌ر کوردان .

ئه‌وه‌ی په‌لکێشی کۆماری ئیسلامی داگیرکه‌ریشی کرد بۆ سه‌ر شاری هه‌ڵه‌بجه‌ بریتیبوو له‌ سه‌رکرده‌کانی به‌ ڕوکه‌ش کوردایه‌تی و به‌ ناوه‌ڕۆک تاوان و خیانه‌ت .

ئه‌و سه‌رکردانه‌ی که‌ هه‌میشه‌ له‌ کێبڕکێدا بوون بۆ باوه‌شی داگیرکه‌ران و گۆڕینی داگیرکه‌رێک به‌ داگیرکه‌رێکی دیکه‌ .

ئه‌و سه‌رکردانه‌ی که‌ له‌ لوتکه‌ی به‌هێزییه‌وه‌ به‌ره‌و ئاشبه‌تاڵ ، له‌ سه‌رهه‌ڵدانه‌وه‌ بۆ تێکشکان ، له‌ کۆڕه‌وه‌وه‌ بۆ ماچ و موچی کیمیاوه‌شێنان ، له‌ لاوازی داگیرکه‌رانه‌وه‌ بۆ چاوساخی و په‌لکێشی داگیرکه‌ران ، له‌ نه‌مانی داگیرکه‌ره‌وه‌ بۆ یه‌کخستنه‌وه‌ی ماڵی داگیرکه‌ران ، به‌ناوی کوردبوونه‌وه‌ تاجه‌ گوڵینه‌بردن بۆسه‌ر گۆڕی دوژمنانی نه‌ته‌وه‌که‌مان ، له‌ لاوازبوونیشه‌وه‌ بۆ دروشمی باقوبریقه‌داری کورد فریوده‌ری و هه‌ڵخه‌ڵه‌تان.

ئه‌وه‌ی ڕێگربوو له‌ به‌رده‌م ده‌ربازبوونی هه‌ڵه‌بجه‌ییه‌کان بریتیبوو له‌ بڕیارده‌ره‌ یه‌که‌مییه‌کانی حیزبه‌ ده‌سه‌ڵاتداره‌کان .

ئه‌وه‌ی تاڵانی شاره‌که‌شی پێ سپێردرا بریتیبوو له‌و فایلدارانه‌ی که‌ به‌ چه‌پڵه‌ڕێزان پێشوازییان لێکرا .

ئه‌وه‌ی پاره‌ی بانکه‌که‌ و گیرفانی هه‌ڵه‌بجه‌ییه‌کانیشی نۆشکرد بریتیبوو له‌ فه‌خامه‌تی سه‌رۆککۆماره‌ نوکته‌چییه‌که‌ی ئیمڕۆی عێراقی عه‌ره‌بی .

ئه‌وه‌ی ده‌ست و په‌نجه‌ی ئافره‌ته‌ گیان لێسه‌ندراوه‌کانیشی ده‌بڕییه‌وه‌ بۆ بازنگ و مستیله‌ی ده‌ستیان بریتیبوو له‌ به‌رپرسه‌کانی ئیمڕۆی ده‌زگای زانیاری و پاراستن و هێزی زێره‌ڤانی و دژه‌ تیرۆر .

پاداشتی هه‌ڵه‌بجه‌ییه‌کانیش له‌ دوای نه‌مان ، بریتی بوو له‌ ئاخ هه‌ڵکێشان بۆدووباره‌بوونه‌وه‌ی دوو سێ هه‌ڵه‌بجه‌ی دیکه‌ و ناوزڕاندنیان به‌ گوته‌ی "هه‌ڵه‌بجه‌ییه‌کان یان جاشن یان ئاشن" .

ده‌ستکه‌وتی کاره‌ساتی هه‌ڵه‌بجه‌ش بریتیبوو له‌ 5001 کۆمپانیا بۆ به‌رپرسه‌کان .

خاوه‌نداریکردن له‌ هه‌ڵه‌بجه‌ش بریتیبوو له‌ ئازادکردنی فڕۆکه‌وانه‌کان و پاراستنی ته‌واوی به‌عسیه‌کان و به‌ ئه‌ستێره‌ ناساندنی تاوانباران .

ئه‌وه‌ی زه‌ره‌رمه‌ند بوو له‌ مه‌رگه‌ساتی هه‌ڵه‌بجه‌دا بریتیبوو له‌ نه‌ته‌وه‌یه‌کی بێناسنامه‌ به‌ ناوی کورده‌وه‌ و شیرازه‌ تێکچوونی زه‌حمه‌تکێشانی هه‌ڵه‌بجه‌ ، به‌ڵام سودمه‌نده‌کان له‌م مه‌رگه‌ساته‌دا گه‌لێک زۆربوون به‌م شێوه‌یه‌ :-

1- به‌گه‌ڕخستنی ته‌واوی کۆمپانیا به‌رهه‌مهێنه‌ره‌کانی جیهانی پیسی سه‌رمایه‌داری به‌گشتی و ئه‌ڵمان و هۆڵاند به‌تایبه‌تی .

2- سه‌رکه‌وتنی کۆماری ئیسلامی له‌ ڕووبه‌رێکی به‌رفراوانی به‌ره‌کانی شه‌ڕدا به‌بێ زیان .

3- کرانه‌وه‌ی ده‌ستی عێراقی داگیرکه‌ر و ناسیۆنالیستی عه‌ره‌بی ئیسلامی بۆ قه‌ڵاچۆکردن و سه‌رکوتکردنی ئازادیخوازانی کوردستان .

4- خۆده‌وڵه‌مه‌ندکردنی سه‌رانی بازرگان و تاوانباری پارته‌ به‌ناو کوردیه‌کانی یه‌کێتی و پارتی و حسک و ئیسلامی‌یه‌ کۆنه‌په‌رسته‌کان .

له‌ 23هه‌مین ساڵڕۆژی کیمیابارانی شاری هه‌ڵه‌بجه‌دا سه‌ری ڕێز و نه‌وازش بۆ ته‌واوی هه‌ڵه‌بجه‌ییه‌کان داده‌نه‌وێنم و هه‌زاران تف و نه‌فره‌تیش بۆ ته‌وێڵی ئیمپریالیزم و داگیرکه‌ران و به‌کرێگیراوه‌ چاوساخه‌کانی داگیرکه‌ران ده‌نێرم .



جه‌لال چوارتایی

هۆڵاند
[ 2010/3/21 ] [ 8:30 بعد از ظهر ] [ سۆران ]
Saturday, March 20, 2010
سلێمانی: جه‌ژنی نه‌ورۆز و سه‌ری ساڵی كوردی (2710) به‌ وێنه‌


(سبه‌ی):
سه‌عات 3ی پاشنیوه‌ڕۆی ئه‌مڕۆ (شه‌ممه‌) له‌ شه‌قامی (سالم- سه‌هۆڵه‌كه‌)ی شاری سلێمانی جه‌ژنی نه‌ورۆز و سه‌ری ساڵی كوردی (2710) پیرۆزكرا و به‌ ئاهه‌نگێكی جه‌ماوه‌ری فراوان ئه‌و كه‌رنه‌ڤاڵه‌ رازێنرایه‌وه‌.


ادامه مطلب
[ 2010/3/20 ] [ 7:28 بعد از ظهر ] [ سۆران ]
یادی‌ ئه‌نفال‌و هه‌ڵه‌بجه‌ یان رۆتین‌و خۆدزینه‌وه‌ له‌حه‌قیقه‌ت
عومه‌رمحمه‌د

«21ی‌ كانونی‌ یه‌كه‌‌می ساڵی‌ ‌2008  دادگای‌ باڵای‌ تاونه‌كان، وه‌كو رێزگرتن له‌سه‌روه‌ری‌ یاسا یه‌كه‌‌مین دانیشتنی‌ بۆ دۆسێی‌ تۆمه‌تبارانی‌ كیمیابارانكردنی‌ شاری‌ ‌هه‌ڵه‌بجه‌ ‌گرێدا، ئه‌گه‌رچی‌ له‌سه‌ره‌تاوه‌ هه‌تا كۆتایی‌ ره‌وتی‌ به‌رێوه‌چوونی‌ دۆسێكه‌، 
تاراده‌یه‌ك مایه‌ی‌ گومان‌و مه‌ترسیی‌ چاودیرانی‌ بوو، به‌تایبه‌تیش پاش ئه‌وه‌ی‌ یه‌كێك له‌گرنگترین تۆمه‌تباره‌كانی‌ « فرۆكه‌وان تارق ره‌مه‌زان» ئازاد كرا، به‌ڵام سه‌رئه‌نجامی‌ بڕیاری‌ دادگا هه‌موولایه‌كی‌ دڵخۆشكرد. له‌كۆی‌ (37) دانیشتنی‌ دادگادا، بڕیاری‌ كۆتایی‌ به‌تاوانی‌ دژی‌ مرۆڤایه‌تی‌ ده‌رچوو، كه‌ زۆر له‌ رێكخراوه‌كان‌و یاساناسان‌و كه‌ناڵه‌كانی‌ راگه‌یاندنی‌ هێنایه‌ ده‌نگ، تا ئه‌وه‌ی‌ له‌ سه‌ره‌تای‌ مانگی‌ ئازاردا، دادگای ‌تێهه‌ڵچوونه‌وه‌ « ته‌‌میز»ی‌ كرده‌وه‌و بڕیاری‌ كۆتایی‌ داو دۆسێی‌ تاوانی‌ هه‌ڵه‌بجه‌ی‌ وه‌كو خۆی‌ یه‌كلایی‌ كرده‌وه‌‌و تاوانه‌كه‌ی‌ به‌ ‌جینۆساید په‌سه‌ند كرد، به‌ڵام پرسیار ئه‌وه‌یه‌، ئیتر له‌دوای‌ بڕیاری‌ دادگای‌ باڵای‌ تاوانه‌كانی‌ عێراقه‌وه‌ كورد چی‌ له‌هه‌گبه‌دایه‌و ده‌یه‌وێت چی‌ تر بكات؟ كت‌و مت وه‌كو ئه‌وه‌ی‌ خوێندكارێك، كه‌ بڕوانامه‌ی‌ خویندنی‌ باڵا به‌ده‌ستبهێنێ‌ چی‌ پێده‌كات؟ مه‌گه‌ر به‌وه‌نده‌ لێده‌گه‌رێ‌ بروانامه‌كه‌ی‌ له‌چوارچێوه‌یه‌كدا به‌دیواری‌ ماڵه‌كه‌یدا هه‌ڵواسێ‌؟ یان وه‌كو كارتێكی‌ به‌هێز به‌كاری‌ دێنێ‌‌و ژیانی‌ خۆی‌‌و كۆمه‌ڵگای‌ له‌سه‌ر بنیات ده‌نێته‌وه‌؟ ئاخر بڕیاری‌ به‌جینۆساید ناساندن خوێنی‌ سه‌دان هه‌زاركه‌سه‌. ناسنامه‌ی‌ نه‌ته‌وه‌یه‌كی‌ هه‌ڕه‌شه‌ لێكراوه‌، به‌ ریشه‌كێشكردنی‌ یه‌كجاری‌‌و پاكتاوی‌ مێژو و كلتوری‌ نه‌ته‌وه‌یه‌ك؟ ئه‌فسوس له‌دوای‌ بڕیاری‌ به‌جینۆساید ناساندنییانه‌وه‌، هه‌ردوو یادی‌ (ئه‌نفال‌و هه‌ڵه‌بجه‌) رێزی‌ یادكردنه‌وه‌ی‌ ئه‌و سوپایه‌ی‌ لێنانرێ‌، كه‌ كرده‌وه‌ی‌ كۆمه‌ڵكوژییه‌كه‌ی‌ ئه‌نجامداوه‌! به‌هه‌مان تاس‌و حه‌مامی‌ پێش بڕیاره‌كان، بریتیه‌ له‌ پاره‌ خه‌رجكردنێك، كه‌ جێگه‌ی‌ شتێكی‌ ئه‌وتۆ ناگرێ‌‌و ئازاری‌ برنداره‌كان سوك ناكات. به‌شێوه‌یه‌كی‌ گشتی‌، چ رێزێكی‌ ئه‌وتۆی‌ بۆ قوربانی‌‌و گه‌ڕانه‌وه‌ی‌ شكۆی‌ نه‌ته‌وه‌یی‌ تێدا نابینیته‌وه‌، ده‌یان وه‌فد له‌كوردو بیانی‌ له‌سه‌ر خه‌رجی‌ ئه‌ویادانه‌ دێ‌‌و ده‌ڕوا


ادامه مطلب
[ 2010/3/20 ] [ 7:20 بعد از ظهر ] [ سۆران ]
پاریزه‌ر به‌كر حمه‌ سدیق : فرۆكه‌وانێكى ترمان په‌یداكردوه‌ كه ‌له‌ هه‌ریم بووه‌ و ئاماده‌ى نیشاندا وه‌كو شاهدێكى شاراوه‌
 
ئیبراهیم موراد:

 
پاش 22 له‌كیمیا بارانكردنى شارى هه‌ڵه‌بجه‌ له‌لایه‌ن رِژێمى به‌عسه‌وه‌وخۆگێل كردن له‌وه‌ى كه‌نازانن كێ بووه‌ كیمیابارانى شارى هه‌ڵه‌بجه‌ى كردوه‌، تاله‌ئه‌نجامدا به‌هه‌وڵى تیمى پارێزه‌رانى داكۆكى كارى دۆسیه‌ى هه‌ڵه‌بجه‌ له‌دادگاى باڵاى تاوانه‌كان یه‌كلاى كرایه‌وه‌به‌هه‌وڵ وماندوبونێكى زۆرى ئه‌وده‌سته‌یه‌ودۆزینه‌وه‌ى چه‌ندشایه‌ت حاڵێكى حاشاهه‌ڵنه‌گرله‌وباره‌یه‌وه‌ یه‌كێك له‌وپارێزه‌رانه‌ كه‌ ئه‌ندامى ده‌سته‌ى داكۆكى كاربووه‌ له‌دۆسیه‌ى هه‌ڵه‌بجه‌ئه‌ویش پارێزه‌ر به‌كر حه‌مه‌ سدیق و كانديدى زماره‌ يه‌ك له‌ ليستى يه‌ككرتوى ئيسلامى له‌ پاريزكاى سليمانى له‌م دیمانه‌ تایبه‌ته‌دا به‌م شێوه‌یه‌ دوا .

ئاشكرایه‌لاى به‌رێزتان كه‌ مه‌سه‌له‌ى دۆسیه‌ى كیمیا بارانكردنى هه‌ڵه‌بجه‌ یه‌كێكه‌ له‌ دۆسسیه‌ سه‌ره‌كیه‌كانى گه‌لى كوردومیله‌تى كورد له‌ كۆى سێ تاوانى نێوده‌وڵه‌تى گه‌وره‌ كه‌ له‌ ئاستى عێراق ئه‌نجام دراوه‌

ادامه مطلب
[ 2010/3/20 ] [ 12:13 بعد از ظهر ] [ سۆران ]
گۆران ئه‌دهه‌م وه‌ك قائیمقامی نوێی هه‌ڵه‌بجه‌ ده‌ستبه‌كاربوو
08:30:15/03/2010
- دوای تێپه‌ڕبوونی 6 مانگ و نیو به‌سه‌ر دیارنه‌مانی قائیمقامی پێشوودا، له‌مه‌راسیمێكدا كه‌ نوێنه‌رانی حزبی و حكومی ناوچه‌كه‌ ئاماده‌یبوون، گۆران ئه‌دهه‌م كاكه‌یی وه‌ك قائیمقامی نوێی شاری‌ هه‌ڵه‌بجه‌ی‌ شه‌هید ده‌ستبه‌كاربوو.
ئه‌مڕۆ دووشه‌ممه‌ گۆران ئه‌دهه‌م پارێزه‌ری داكۆكیكار له‌مافی كه‌سوكاری شه‌هیدانی كیمیاباران وه‌ك قائیمقامی نوێی هه‌ڵه‌بجه‌ ده‌ستبه‌كاربوو.
له‌مه‌راسیمێكدا به‌ ئامادبوونی‌ نوێنه‌رانی حزبی و حكومی ناوچه‌كه‌ گۆران ئه‌دهه‌م كاكه‌یی وه‌ك قائیمقامی نوێی هه‌ڵه‌بجه‌ ده‌ستبه‌كاربوو
[ 2010/3/20 ] [ 9:31 قبل از ظهر ] [ سۆران ]
16-03-2010
به‌ردی بناغه‌ی زانكۆی هه‌ڵه‌بجه‌ داده‌ندرێ و مووچه‌ی شه‌هیدان و ئه‌نفالیش زیاد ده‌كرێت

روودوانێت-هه‌ڵه‌بجه‌
سه‌ربه‌له‌یانی ئه‌مڕۆ سێشه‌ممه‌ رێوڕه‌سمی یادكردنه‌وه‌ی كیمیابارانكردنی هه‌ڵه‌بجه‌ ده‌ستیپێكرد، كه‌ بڕیاره‌ تیایدا به‌ردی بناغه‌ی زانكۆی هه‌ڵه‌بجه‌ دابندرێت.
به‌رهه‌م ساڵح سه‌رۆكی حكوومه‌تی هه‌رێم كه‌ ئاماده‌ی 22ه‌مین ساڵوه‌گه‌ری كیمیابارانی هه‌ڵه‌بجه‌ بوو گوتی بڕیاریانداوه‌ مووچه‌ی كه‌سوكاری شه‌هیدانی هه‌ڵه‌بجه‌ و ئه‌نفالكراوان زیاد بكرێ و به‌ردی بناغه‌ی زانكۆیه‌كیش له‌شاره‌كه‌ دابندرێت.
ئاماژه‌ی به‌وه‌شدا كه‌ به‌سوودوه‌رگرتن له‌سندوقی نیشته‌جێكردن خانوو بۆ ته‌واوی كه‌سوكاری شه‌هیدان و ئه‌نفالكراوان دروست ده‌كه‌ن.
جێی باسه‌ بڕیاره‌ به‌ردی بناغه‌ی زانكۆی هه‌ڵه‌بجه‌ له‌جێگه‌ی یه‌كێك له‌ بۆمبه‌ ناپاڵمه‌كانی گه‌ڕه‌كێكی هه‌ڵه‌بجه‌ی شه‌هید دابندرێت.
له‌ 16ی ئاداری 1988 رژێمی به‌عسی رووخاو به‌چه‌كی كیمیایی شاری هه‌ڵه‌بجه‌ی بۆمباران كرد، له‌ئه‌نجامدا نزیكه‌ی 5 هه‌زار كه‌س ژاراویبوون و خنكان، 10 هه‌زار كه‌سی دیكه‌ش به‌م هۆیه‌وه‌ بریندار بوون و تا ئێستاش ژماره‌یه‌كی زۆری ئه‌و بریندارانه‌ به‌ده‌ست كاریگه‌رییه‌كانی ئه‌و چه‌كه‌وه‌ ده‌ناڵێنن.

[ 2010/3/16 ] [ 4:33 بعد از ظهر ] [ سۆران ]
یادی 22هه‌مین ساڵیادی‌ كیمیابارانی هه‌ڵه‌بجه‌ ده‌ستی‌ پێكرد
Tuesday, March 16, 2010
یادی 22هه‌مین ساڵیادی‌ كیمیابارانی هه‌ڵه‌بجه‌ ده‌ستی‌ پێكرد

(سبه‌ی‌):
سه‌عات 10:00ی‌ پێشنیوه‌ڕۆی‌ ئه‌مڕۆ (سێشه‌ممه‌)، رێوره‌سمی‌ یادی‌ 22هه‌مین ساڵیادی‌ كیمیابارانی‌ شاری‌ هه‌ڵه‌بجه‌ ده‌ستی‌ پێكرد.
رێوڕه‌سمه‌كه‌ له‌ مۆنۆمێنتی‌ هه‌ڵه‌بجه‌ ده‌ستی‌ پێكرد و تیایدا چه‌ندین به‌رپرسی‌ حكومه‌تی‌ هه‌رێمی‌ كوردستان ئاماده‌بون و هه‌روه‌ها چه‌ندین كه‌سایه‌تی‌ و نوێنه‌ری‌ وڵاتان و رێكخراوی‌ بیانی‌ ئاماده‌بون و بڕیاره‌ په‌یامی‌ شاره‌كانی‌ غه‌ززه‌ و ناكازاكی‌ و هێرۆشیما و لاهای‌ پێشكه‌ش بكرێت.
هه‌ر له‌ رێوڕه‌سمه‌كه‌دا چه‌ندین رۆژنامه‌نوسی جیهانی‌ و پارێزه‌رانی دۆسیه‌ی‌ قوربانیانی دۆسیه‌كه‌ و سه‌رۆكی پێشوی‌ دادگای‌ باڵای‌ تاوانه‌كان ئاماده‌ بون.
هه‌ر له‌ چوارچێوه‌ی‌ ئه‌و یاده‌دا بڕیاره‌ سبه‌ینێ‌ (چوارشه‌ممه‌)، 17/3/2010، له‌ چوارچێوه‌ی‌ به‌رنامه‌ی‌ یاده‌كه‌دا چه‌ند پێشانگایه‌ك له‌سه‌ر مه‌زاری‌ شه‌هیدان له‌ ناو شاره‌كه‌ بكرێته‌وه‌.
جێی‌ وه‌بیرهێنانه‌وه‌یه‌ 22 ساڵ له‌مه‌وبه‌ر و له‌ رۆژێكی‌ وه‌ك ئه‌مڕۆدا فڕۆكه‌ سه‌ربازییه‌كانی‌ رژێمی‌ به‌عس به‌ چه‌كی‌ كیمیاوی‌ بۆردومانی‌ شاری‌ هه‌ڵه‌بجه‌یان كرد و له‌و روداوه‌دا ده‌موده‌ست 5000 هاولاتی‌ گیانیان له‌ده‌ستدا و به‌هه‌زاران هاوڵاتیی‌ دیكه‌ش برینداربون و ئاواره‌ و ده‌ربه‌ده‌ر بون.

[ 2010/3/16 ] [ 11:18 قبل از ظهر ] [ سۆران ]
كه‌س‌وكاری‌ كیمیابارانكراوانی‌ هه‌ڵه‌بجه‌ ده‌دات
بڵاوكرایه‌وه‌ له Tuesday, March 16

ئه‌مڕۆ 16/3 سه‌رۆكی‌ حكومه‌ت به‌ردی‌ بناغه‌ی‌ یه‌كه‌م زانكۆ له‌ هه‌ڵه‌بجه‌ی‌ شه‌هید داده‌نێت
 
 به‌به‌شداری‌ ژماره‌یه‌كی‌ زۆر وه‌فدی‌ بیانی‌ و له‌رێوڕه‌سمێكی‌ شایسته‌دا یادی‌ 22 ساڵه‌ی‌ كیمیابارانكردنی‌ هه‌ڵه‌بجه‌ ده‌كرێته‌وه‌ و حكومه‌تی‌ هه‌رێمی‌ كوردستانیش بڕیاری‌ دا ‌ بكرێته‌ رۆژی ماته‌مینی و ئاڵای عیراق و كوردستانیش تانیوه‌ بهێندرێنه‌ خواره‌وه‌، سه‌رۆكی‌ حكومه‌تیش به‌ردی‌ بناغه‌ی‌ یه‌كه‌م زانكۆ له‌و شاره‌دا داده‌نێت..


ادامه مطلب
[ 2010/3/16 ] [ 11:11 قبل از ظهر ] [ سۆران ]
هه‌ڵه‌بجه‌؛ هه‌میشه‌ له‌چاوه‌ڕوانیدا


تائێستا 254 برینداری‌ چه‌كی‌ كیمیاوی له‌بارودۆخێكی‌ زۆرخراپدا ژیان ده‌گوزه‌رێنن
جیهاد جه‌لال

دوای‌ تێپه‌ڕبوونی‌ 22 ساڵ به‌ سه‌ر كاره‌ساتی‌ كیمیابارانی‌ شاری هه‌ڵه‌بجه‌، هه‌ڵه‌بجه‌ییه‌كان هێشتا چاوه‌ڕوانییه‌كانیان نه‌هاتووه‌ته‌دی، دانیشتوانه‌كه‌شی‌ ئاماژه‌ به‌وه‌ده‌كه‌ن، هه‌ڵه‌بجه‌ له‌ زۆربه‌ی‌ پرۆژه‌ خزمه‌تگوزارییه‌كان، هێشتا له‌زۆر رووه‌وه‌ بێبه‌شه‌و له‌و ماوه‌ زۆره‌دا، حكومه‌ت به‌ ته‌واوی‌ شاره‌كه‌ی فه‌رامۆشكردووه‌.
دانیشتوانی‌ ئه‌و شاره‌ باس له‌وه‌ ده‌كه‌ن، كه‌ هه‌ڵه‌بجه‌ بوو كوردی‌ به‌ جیهان ناساند، به‌لاَم نیگه‌رانن له‌وه‌ی‌، كه‌ له‌لایه‌ن ده‌سه‌لاَتی‌ كوردییه‌وه‌، به‌ نامۆ سه‌یری‌ شاره‌كه‌ كراوه‌. هه‌روه‌ها ده‌ڵێن، ده‌سه‌ڵاتی‌ سیاسی له‌ هه‌رێمی‌ كوردستاندا، هه‌ڵه‌بجه‌ی‌ بۆ به‌رژه‌وه‌ندییه‌ حیزبییه‌كانی‌ خۆی به‌كارهێناوه‌و ئه‌وه‌شی بۆ هه‌ڵه‌بجه‌ كراوه‌، هه‌رگیز له‌ئاست قوربانییه‌ گه‌وره‌كانی‌ ئه‌و شاره‌دا به‌راورد ناكرێت.


ادامه مطلب
[ 2010/3/16 ] [ 11:4 قبل از ظهر ] [ سۆران ]

رێكخراوی‌ داكۆكی‌ له‌ گه‌له‌ هه‌ڕه‌شه‌ لێكراوه‌كان له‌ یادی‌ هه‌ڵه‌بجه‌ به‌یاننامه‌یه‌ك ده‌رده‌كات

خه‌بات نه‌وزاد، ئاوێنه‌: لقی سویسری رێكخراوی داكۆكی له‌گه‌له‌ هه‌ڕه‌شه‌لێكراوه‌كان (GfbV) به‌ بۆنه‌ی 22ه‌مین ساڵیادی كیمیابارانی شاری هه‌له‌بجه‌وه‌ به‌یاننامه‌یه‌كییان ده‌ركردوه‌، تێدا هه‌ڵه‌بجه‌ به‌گه‌وره‌ترین كاره‌ساتی‌ دوای‌ جه‌نگی‌ جیهانی‌ دووه‌م وه‌سف ده‌كات.

هیواناسیح ئه‌ندامی‌ كۆمیته‌ی‌ سویرای‌ كوردۆساید "ناوه‌ندی‌ چاك" به‌ ئاوێنه‌ی‌ گووت "ئه‌و به‌یاننامه‌یه‌ گرنی‌ خۆی‌ هه‌یه‌ چونكه‌ ئه‌و رێكخراوه‌ جیهانیه‌وه‌ له‌ چه‌ندین وڵاتی‌ دنیادا لقی‌ هه‌ی، ئه‌وه‌ له‌ به‌جیهانی‌ كردنی‌ هه‌ڵه‌بجه‌ ده‌وری‌ هه‌یه‌".

ده‌قی‌ به‌یاننامه‌كه‌ بخوێنه‌ره‌وه‌:


ادامه مطلب
[ 2010/3/16 ] [ 10:54 قبل از ظهر ] [ سۆران ]
یادى 16/3/2010 ى کارەساتى کیمیابارانى هەڵەبجە جیاوازە لە یادەکانى ساڵانى پێشووى ، ئیمەى هەڵەبجەیى هەرکە لەم رۆژە نزیک دەبوینەوە ، دەست بەجێ دەبو بگەرێنەوە بۆ ساتە تاڵەکانى چەندرۆژى پێش 16 / 3 ورۆژەکانى دواتریشى ، بەش بەحاڵى خۆم پێش و پاش ئەو کارەساتە لەناو ئەو بارودۆخە نادیارەدا بوین ، شەرى ئیران – عیراق  ناوچەکە و دانیشتوانەکەى هیلاک کردبوو ، چەندین زیانى جۆراوجۆرى پێی گەیاندبوو ، دانیشتوان بێ چارە بوون و چاوەریى قەدەریان دەکرد ، رژێمى فاشستى عیراق بە بیانوى ئەو شەرە رق و کینەى خۆى بەسەر هەڵەبجە و دەوروبەریدا رژاند ، بێ گوێدانە هیچ بەهایەکى مرۆڤایەتى لە رۆژى 16 / 3 / 1988 دا کەوتە وێزەى شار و شارۆچکە و گوندەکانى دەوروبەرى بە چەکى کۆکژ کارەساتى دروست کرد ، رووى سەرانى بەعس و فاشیەکانى عەرەبى رەش کرد ، شەهید بوونى پێنج هەزار و بریندار بوونى دە هەزارى لێکەوتەوە ، هەرکەس زیانەکانى بە چاوى خۆى نەدیبێ نازانى چۆن و بەچى شێوەیەک بووە ، هەروەها بارودۆخى پاشماوەکانى ، ئایا  لە سەرتاسەرى دونیادا هیچ نەتەوە و کۆمەڵەیەک بەم شێوە درندانەیە مامەڵەى لەگەڵدا کراوە ؟ ، کیێ دەتوانى بەرگەى ئەو هەموو نەهامەتیانە بگرێ کە بەسەر هەڵەبجەیەکاندا هاتووە ، دەبێ ئەم تاوانە هەروا دوور لە ویژدانى خێرخوازان و مرۆڤ دۆستان و یاسا نێودەوڵەتیەکان تێپەرێ ؟ ئەمە ئەگەر بەرامبەر هەر نەتەوەیەکى تر بکرایە ، دەبووە سەرهەڵدانى نارازى بونێکى سەرتاسەرى ،  ئەوەى روویداوە دژ بە نەتەوەیەکە و مافى نییە ، دۆستى نییە ، دوژمنى زۆرە ، وا کێشەکانیشى وەکو خۆى مافى پێنادرێ ، ئەوە تا راپەرینى ساڵى 1991 بەردەوامى هەبوو ، پاش ئازاد بوونى کوردستان ئەنجا توانیمان باسى بکەین ، پێشتر کەس نەیدەتوانى باسى بکات ، ئێمەى ئاوارە لە ئیران تەنها لە ناو ئۆردوگاکاندا دەمانتوانى یادى کارەساتەکە بکەێنەوە ، جارێکیان هەوڵماندا لە رێگاى رێپێوانەوە لە ئۆردوگاى دزڵى هەتا بارەگاى نوێنەرایەتى نەتەوەیەکگرتوەکان لە ناو شارى مەریوان داواکارى بە هاناهاتنى لێقەوماوانى هەڵەبجە بکەین ، رێگامان پێى نەدرا ، بارەگاکەیان لێى شاردینەوە و پاشانیش پێمانوترا کە جارێکى تر لەم جۆرە کارانە ئەنجام نەدەین .

بە دروست بوونى ناوچەى ئارام توانیمان دەست بە چالاکى یادەوەریەکانى بکەین ، کارەساتەکە وەکو ئینسانى دەناسرا ، هیچ زەمینەیەکى وا نەبوو بتوانرێ لە رێگاى دادگاى نێودەوڵەتیەوە شکایەت لە تاوانبارانى بکرێ ، لە یادەوەریەکانى پێشوودا سۆز و گریە پیشەى ئیمە بووە ، داواکاریمان بۆ تۆڵە سەندنەوەى ئەو تاوانە گەورەیە بووە لە سەرانى رژێمى لەناوچوو .

 روخانى رژێمى فاشستى بەعس لە ساڵى 2003 دا و گیرانى سەرانى بە سەرۆکى عێراقى تاوانبارەوە و دروست بوونى دادگاى باڵاى تاوانەکانى عیراقى و یەکێ لەو کەیسانە کارەساتى کیمیابارانى هەڵەبجە بوو، لە کاتێکدا ئیمەى هەڵەبجەیى چاوەروانى ئاکامى دادگایى کردنى کەیسەکەى بووین کە باشترین بەڵگە و دیکۆمێنتى زیندوو خرانە روو ، لە ناکاو لە 17 / 1 / 2010 دا بریارى دادگا دەرچوو بە ناساندنى بە تاوانى دژى مرۆڤایەتى ، ئەم بریارە کەمتر بولەوەى گەلى کوردستان بەگشتى و کەسوکارى شەهیدانى کیمیابارانى هەڵەبجە بەتایبەتى چاوەروانیان دەکرد ، چونکە تاوانى لەم شێوە لە جیهاندا بەبێ کەم و زیاد راستەوخۆ بە جینۆساید دەناسرێ ، سەرکردایەتى لایەنەسیاسیەکانى کوردستانى و سەرۆکایەتى هەرێم و پەرلەمان و حکومەت بە تایبەتى وەزارەتى شەهیدان و ئەنفال و یاساناسان و پارێزەران و پەرلەمانتاران و رۆشنبیران و کەسوکارى شەهیدان و بەتایبەتى کۆمەڵەى قوربانیانى کیمیابارانى هەڵەبجە کەوتنە خۆ بۆ هاوکارى کردنى دەستەى پارێزەرانى داکۆکیکەر لەو کەیسە و دارشتنى تانەلێدانى یاسایى لە بریارەکە ، کۆکردنەوەى واژوى نارازى بوون لەلایەن کەمپینێکى تایبەتى لە هەڵەبجە ، بەم نارازیبونە گشتگیریە توانرا بە دادگاى لێپێچینەوە بسەلمێنرى کە داواکارى گەلى کوردستان لەسەر هەقە و نابێ پێشێل بکرێ ، بۆیە خۆشحاڵانە دادگاى پێداچونەوە لە رۆژى 28 / 2 / 2010 دا بریارى خۆى دا بە ناساندنى کەیسکە بە تاوانى جینۆساید، ئەوە دەر ئەنجامى کۆدەنگى گەلەکەمان بوو ، ئەم دەرئەنجامە شادى وخۆشى لێى دەکەوێتەوە گەر بگاتە دوایین ئاکامى ، بۆ ئەوەش ئەرکى ترمان لە پێشە کە ئەمانەن :

1 – هەروەک چۆن بەرێزانى پەرلەمانتارانى نوێنەرانى گەلى کوردستان لە ئەنجومەنى نوێنەرانى عیراق توانیان بریارى دادگاى بالاى تاوانەکانى عیراق لە سەر کەیسى ئەنفال کە بە جینۆساید ناسرابوو ، بریار لەسەر پەسەند کردنى بدەن ، چاوەروان دەکرێ لە نوێنەرانى تازەى گەلەکەمان لە ناو ئەنجومەنى داهاتووى عیراق یەکەمین کاریان داواکارى پەسەند کردنى بریارى دادگا بێ بە ناساندنى کەیسى هەڵەبجە بە جینۆساید ، بەم جۆرە گەلەکەمان دەبێتە خاوەنى دوو بریارى بە جینۆساید کردن دەرهەقى .

2 – هەرچۆن توانرا بەو شێوازەى سەرەوە لە ناو عیراقدا ئەو دوو کەیسە بەو سزایە بناسرێن ، ئەوا بۆ قایم کردنى و بە نێودەولەتى بوونى پێویستە هەوڵى تەواو بدرێ کە لە ئەنجومەنى ئاسایشى نێودەوڵەتى پەسەند بکرێ .

3 – بەرنامەیەکى تۆکمە و یاسایى دابرێژرى لەلایەن پسپۆران و شارەزایانى بوارى وەرگرتنى قەرەبووى زیانلێکەوتوانى هەردوو کەیسەکە ( ئەنفال و کیمیاباران ) بۆ ئەوەى کەسوکار و پاشماوەکان بتوانن لە ئازار ونەهامەتى و کەموکورتیەکانیان رزگاریان بێ .
بەم شێوەیە دەتوانین بڵێن گەلەکەمان ئاسودە دەبێ و جارێکى تر دوژمنان بە ئاسانى ناتوانن هێرش بکەنە سەرمان ، بە پێچەوانەوە هەنگاوێک دەبێ بۆ رزگار بوون لە ژێردەستەیى ، ئەگەر بە جوانى بەرێوەى بەرین دەتوانین ببین بە خاوەنى خۆمان وەکو هەر گەلێکى تر لە جیهاندا .


ادامه مطلب
[ 2010/3/16 ] [ 9:55 قبل از ظهر ] [ سۆران ]
به‌كر حه‌مه‌ صدیق: مزگێنى ده‌ده‌م به‌دانیشتوانى هه‌ڵه‌بجه‌ى شه‌هیدكه‌مه‌سه‌له‌ى قه‌ره‌بووكردنه‌وه‌ به‌رِێوه‌یه‌ به ‌پشتیوانى خواى گه‌وره‌ بناغه‌مان بۆداناوه‌
به‌كر حه‌مه‌ صدیق: مزگێنى ده‌ده‌م به‌دانیشتوانى هه‌ڵه‌بجه‌ى شه‌هیدكه‌مه‌سه‌له‌ى قه‌ره‌بووكردنه‌وه‌ به‌رِێوه‌یه‌ به ‌پشتیوانى خواى گه‌وره‌ بناغه‌مان بۆداناوه‌

 

ئیبراهیم موراد --- سایتى یه‌كگرتوو

پارێزه‌ر به‌كر حه‌مه سدیق ئه‌ندامى ده‌سته‌ى داكۆكیكار له ‌دۆسیه‌ى هه‌ڵه‌بجه‌ى شه‌هید سه‌باره‌ت به‌جینۆساید ناساندنى كێشه‌ى هه‌ڵه‌بجه ‌و سوده‌كانى له ‌لێدولنێكيدا بۆ سایتى یه‌كگرتوو رایكه‌یاند: كێشه‌ى هه‌ڵه‌بجه‌ له‌رِوى ماناوه‌ بۆ ئێمه زۆر زۆر گرنگ بوو، هه‌ر له ‌سه‌ره‌تاى برِیارى دادگاى تاوانه‌كانه‌وه ‌ئێمه‌ له %80 كێشه‌كه‌مان برده‌وه، ‌به‌ڵام دواى ئه‌وه‌ى برِیاره‌كه به ‌كێشه‌ى جینۆساید ناسێنرا ئه‌وه‌100% كێشه‌كه مان برده‌وه.‌‌


ادامه مطلب
[ 2010/3/16 ] [ 9:26 قبل از ظهر ] [ سۆران ]
كۆمه‌ڵه‌ى كیمیابارانى هه‌ڵه‌بجه‌: نه‌خۆشه‌كانى ئێمه‌ به‌یه‌كجار سه‌ردانكردنى ئێران ته‌داوى ناكرێن، بۆیه‌ له‌م رۆژه‌دا داواكارین حكومه‌ت ئه‌م ئه‌ركه‌ جێ به‌جى بكات
كۆمه‌ڵه‌ى كیمیابارانى هه‌ڵه‌بجه‌: نه‌خۆشه‌كانى ئێمه‌ به‌یه‌كجار سه‌ردانكردنى ئێران ته‌داوى ناكرێن، بۆیه‌ له‌م رۆژه‌دا داواكارین حكومه‌ت ئه‌م ئه‌ركه‌ جێ به‌جى بكات

 

ئیبراهیم موراد--- سایتى یه‌كگرتوو

به‌یانى یادى 22 ساڵه‌ى كیمیابارانكردنى هه‌ڵبجه‌ى شه‌هیده‌، مه‌راسیمى ساڵیاد و داواكاریى دوو شتى جیاوازن، به‌ڵام له‌ هه‌مان كاتدا له‌و رۆژه‌دا ئه‌و داواكاریانه‌ى كه‌س و كارى شه‌هیدان و خه‌ڵكى هه‌ڵه‌بجه‌ به‌گشتى باس ده‌كریت بۆ ئه‌وه‌ى كه‌ حكومه‌ت پلانى بۆ دابنێت بۆ جێبه‌جێكردنى.

له‌ لێدوانێكدا كه‌ تایبه‌ته‌ به‌ سایتى یه‌كگرتوو به‌رێز (لوقمان حوسێن) سه‌رۆكى كۆمه‌ڵه‌ى كیمیابارانى هه‌ڵه‌بجه‌ ووتى: ئێمه‌ داواكاریمان زۆره‌، به‌ڵام وه‌كو ناوه‌رۆكى ئه‌و ووتاره‌ ئێمه‌ ئاماژه‌ به‌ مه‌سه‌له‌ى چاره‌سه‌ركردنێكى به‌رده‌وام، وه‌ دانانى پلانێكى تایبه‌ت بۆ برینداره‌كانى كیمیاباران.


ادامه مطلب
[ 2010/3/16 ] [ 9:24 قبل از ظهر ] [ سۆران ]
رِێكخراوى چاودێرى كوردۆساید نوسینگه‌ى باشورى كوردستان له‌ 22 هه‌مین ساڵیادى كاره‌ساتى كیمیاویبارانكردنى هه‌ڵه‌بجه‌ به‌یاننامه‌یه‌ك ده‌رده‌كات
رِێكخراوى چاودێرى كوردۆساید نوسینگه‌ى  باشورى كوردستان له‌ 22 هه‌مین ساڵیادى كاره‌ساتى كیمیاویبارانكردنى هه‌ڵه‌بجه‌ به‌یاننامه‌یه‌ك ده‌رده‌كات


له‌ به‌یاننامه‌یه‌كدا كه‌ وێنه‌یه‌كى بۆ سایتى یه‌كگرتوو نێردراوه‌ تیایدا رِێكخراوى چاودێرى كوردۆساید (چاك) نوسینگه‌ى  باشورى كوردستان به‌ بۆنه‌ى ساڵیادى كیمیابارنكردنى هه‌ڵبجه‌ به‌یاننامه‌یه‌ك ئاراسته‌ى بنه‌ماڵه‌ى شه‌هیدانى ئه‌و شاره‌ ده‌كات، له‌ خواروه‌ ده‌قى به‌یاننامه‌كه‌ بخوێنه‌وه‌

 
بنه‌ماڵه‌ى سه‌ربه‌رزى شه‌هیدانى هه‌ڵه‌بجه‌
جه‌ماوه‌رى كوردستان

    بیست و دووساڵ به‌ر له‌ئێستا له‌لایه‌ن درِنده‌ترین ده‌سه‌لاَتى شۆڤێنیزمه‌وه‌ له‌به‌ر كورد بونییان خه‌ڵكى هه‌ڵه‌بجه‌ى شه‌هید كه‌تنه‌ به‌ر رِقه‌ ناشرینه‌كانى ئه‌و ده‌سه‌لاَته‌ به‌عسیه‌ دیكتاتۆره‌ى حكومه‌تى عێراقه‌و له‌ئاكادا زیاتر له‌ پێنج هه‌زار له‌ رِۆڵه‌كانى نه‌ته‌وه‌كه‌مان شه‌هید بون و ژماره‌یه‌كى زۆریش له‌به‌ر كاریگه‌رى ئه‌و گازه‌ ژه‌هراوى و چه‌كه‌ كۆكوژانه‌وه‌ برینداربون و تائێستاش ژماریه‌ك له‌بریندارانى ئه‌و شاره‌ خۆرِاگره‌ى هه‌ڵه‌بجه‌ى شه‌هیدان له‌ژیانێكى سه‌ختى دان له‌رِوى ته‌ندروستى و ده‌رونییه‌وه‌ , بۆردومانكردنى شارى هه‌ڵه‌بجه‌ ته‌نها هه‌وڵێكى دوژمونكارانه‌ى رِژێمى به‌عسیه‌كان نه‌بو بۆ شه‌هید كردنى دانیشتوانه‌كه‌ى به‌ڵكو ئه‌وه‌ سه‌ره‌تاى جێ به‌جێ كردنى پرۆژه‌یه‌كى گشتگیرى ئه‌ و رِژێمه‌ بوو بۆ سرِینه‌وه‌ى بونى كورد وه‌ك نه‌ته‌وه‌یكى زیندوو خاوه‌ن مێژویه‌كى دیرین و سرِینه‌وه‌ى ولاَتێك به‌ناوى كوردستان له‌ رِۆژهه‌لاَتى ناوه‌رِاستدا .


ادامه مطلب
[ 2010/3/16 ] [ 9:23 قبل از ظهر ] [ سۆران ]
          مطالب قدیمی‌تر >>

.: Weblog Themes By Pichak :.

درباره وبلاگ

ته‌نها بۆخزمت كردنی شاره‌كه‌م و ئه‌و كه‌سانه‌ی زاست خوازن
امکانات وب

تبادل لینک

خرید بک لینک